Pasa den igandean, azaroak 27, slalom teknifikazioaren bigarren jardunaldia ospatu zen Orthez eta Poun gure palista gazteenekin. Santiagotarrak eta Atlético San Sebastián taldeetako 19 palistek parte hartu zuten.
Teknifikazioko beste jardunaldietan bezala, teknifikazio-jardunaldian landuko diren ordutegiak eta jardueraren azalpena (zirkuituak, ariketak) antolatu dira aldez aurretik.
Jardunaldi horretan, zehazki, horrela antolatu ziren ordutegiak eta jarduerak:
06: 15ean klubeko teknikari bakoitza bere palistekin geratu zen piraguak eta palak kargatzeko eta Orthezera joateko. 7: 30ak aldera pistara iritsi ziren eta lehen txanda ofiziala egin aurretik beroketa eta zirkuituaren analisia egin zuten.
09: 00etan material guztia kargatu zuten eta Poura joan ziren saioa 09: 45ean hasteko. Hara iritsitakoan, hainbat jaitsiera egin zituzten, eta zirkuituko lehen zatia Haritz Azanzak (Club Santiagotarrak teknikaria) eta Marta Barbak (Club Atlético San Sebastián teknikaria) markatu zuten. Bigarren zatian, aldiz, libre utzi zituzten palistek sentsazio eta teknika ezberdinak senti zitzaten. Aldi berean, maila txikiagoko palista horientzat gora egin beharreko ate kopurua murriztu zieten.
Pouko saioa 10: 45ean amaitu zen eta bazkaria hartzen zuten bitartean, saioan hobetu beharreko alderdiak komentatu zituzten. 11:30 aldera Orthezera joan ziren bigarren txanda bat egiteko.
Behin Orthezera iritsita, goizean goiz egindako zirkuituaren inguruko zalantzak berriro aztertu eta argitu zituzten. 13:15ean bigarren txanda egin zuten. Bukatu ondoren, dena kargatu eta etxerantz abiatu ziren. 15: 30ean euren klubetara iritsi ziren eta teknifikazio jardunaldia amaitutzat eman zen.
Hemen dituzue eguneko bideoak eta argazkiak.
Proiektuarekin aurrera goaz eta dibertsitate funtzionala duten pertsonentzat piraguismoa eskaintzen jarraitu nahi dugu. Oraingoan Hondarribiako hondartzara mugituko gara, Kirol Egokituen Federazioarekin elkarlanean piraguismoa dohainik egiteko aukera izango duzu abuztuan! Animatu!